NIGRORUM Ordo

NIGRORUM Ordo

in Ecclesia Romana dicunter Casinenses Monachi et aliae Congregationes Ordinis S. Benedicti, a nigro habitu, quô uti consueverunt Saeculares Clerici, qui tamen ante regimen illius Ecclesiae, a Benedictinis diu retentum, violaceum colorem adhibebant. Olim enim Benedictinorum religio in tantum invaluit, ut haberet ex Casinensi Congregatione octo Pontifices, et ex aliis, quatuor: item bis mille Cardinales, septies mille Archiepiscopos, quindecim vero Episcoporum milia; porro Sanctos canonizatos 55700. ut Tamburinus habet, vel 5555. ut Iohannes XXII. Papa. Monasteria eiusdem ordinis haec inventa sunt: Abbatiarum triginta tria milia, Praepositurarum quatuordecim milia, Mulierum Caenobia innumera. Ab hoc Ordine per 500. annos Romana Ecclesia gubernata est, tantaque eius fuit auctoritas et sanctitatis opinio, ut Imperatores ac Reges non pauci, depositô diademate, in hoc instituto vitae reliquum exegerint. Eadem causa est, quod Saeculares Clerici, ut dicitum, nigrum habitum, violaceô sepositô, assumpserint, etc. Vide Dominicum et Carolum Macros in Hierolexico, ut et supra, ubi de

Casinensi Abbatia. Sed et apud Graecos Monachi etiam Nigri μελανειμονοῦτες dicuntur, in Synodo Trullana, can. 42. Car. du Fresne in voce Nigromonachi. Vide quoque supra ubi nos de Monachis, eorumque veste etc.